|
Nofrio Si Deve
Tirare Personaggi: Occorre: Alcune monete, un cucchiaio da
tavola avvolto in un pezza di carta, una forchetta. ATTO
UNICO Una strada. Due case ai lati della scena. Don Totò.
(uscendo dall’ultima quinta della destra dell’attore ed andando
alla porta di sinistra, chiama:)
Teresina, Teresina! Teresa. Chi
voli, don Totò? Don. Dimmi quanto ti devo dare per la
biancheria che mi hai stirato durante questa settimana. Ter. Tri liri e sittantacincu. Don. Così poco? Oh, ma queste tue belle mani
meritano dippiù! Ti voglio
dare cinque lire. Ter. Don Totò, ci àiu ditta tanti voti
ca nun vogghiu un sordu cchiù di quantu mi spetta. Don. Sì, lo so: ma io ti voglio bene. Ter. E semu a lu solitu! Don. Ma quando ti deciderai a volermi
un poco di bene? Ter. Mai! Ci dissi avant’ieri ca iu sugnu
maritata. SCENA 2.a Filomena.
(uscendo dalla porta di destra) Ah! Ah! Cca c’è lu pispisuni chi ci veni a purtari li dinari a la
stiratrici! Ma chi furtuna
chi hanno certi genti! Idda travagghia, e si la passana bona! Ter. Don Totò, mi àvi a fari lu piaciri
di nun parràrimi cchiù di sti cosi, vasinnò finisci ca ci lu dicu a me’
maritu! Don. No, no; non lo dire a tuo
marito! Senti, io me ne vado,
e tornerò più tardi, e spero che mi dirai di sì. A rivederci, anima mia (via). Fil. (da sè) Ah, ci dissi: anima
mia! Dunca veni a diri ca già
c’è qualchi cosa! Ter. (da se, guardando Filomena) Oh, cca c’è la ‘nvidiusa! Fil. (parlando a stuzzicare) Chistu è lu picchì ‘ntra certi
famigghi c’è l’abbunnanza; picchì ci sunnu chiddi chi portanu li dinari a
l’anima mia! Ter. (da sè) Ora accumencia a murmuriari. Fil. I mariti si nni vannu a
travagghiari, e li muggheri… abbasta, nun vogghiu parrari picchì sugnu
prudenti! Ter. Cu’ cui stati parrannu vui? Ter. Siccomu parrannu taliàstivu la me’
casa… e dicistivu: Ci sunnu
chiddi chi portanu li dinari a l’ànima mia! Fil. E chi ci siti vui sula chi aviti a
chiddi chi vi portanu i dinari? Ter. Sintiti, si vui nun la finiti di
parrari a rimmèstiri, qualchi vota vi fazzu pigghiari dispiaciri! E finitila di essiri
invidiusa! Fil. A mia diciti ca sugnu
invidiusa? Bah, facitimi stu
piaciri! Iu sugnu ‘na fimmina
onesta! Ter. E chi senti diri? Ti staiu dicennu sta attenta comu
parri sai! Vasinnò ti scippu
sti quattru capiddi chi hai ‘ntesta! Fil. A cui? A mia? Ter. A tia; a tia! Fil. E fammi vidiri comu mi li
scippi! Ter. Lu voi vidiri? (si slancia contro Filomena e si
azzuffano). SCENA 3.a Nino.
(frapponendosi e dividendole)
Eh! Eh! Chi ci fu? Nofrio. Chi
spignò lu munti? Fil. (adiratissima) A mia mi tira li capiddi? Nino. (in
tono da spavaldo) E cu’ fu ca
s’arrisicò di tiràriti li capiddi? Fil. Chidda! Chidda! Nino.
(guardando Nofrio con aria minacciosa) E va beni! Nof. (impaurito) Teresina, trasemunninni ca cca
fora friddu fa! (costringe
Teresa a ritirarsi con lui). Fil. A mia mi dici ca mi tira li
capiddi! A mia! Nino.
(imperativo)
Basta! Ora ca si sugnu
iu nun àvi a parrari cchiù nuddu! Fil. Iu nun parru cchiù, ma tu m’ài a
fari dari sudisfazioni, e dda strafalària s’àvi a pentiri di avìrimi misu
li manu di supra. Ora stissu
tu ti chiami a lu maritu, e ti lu porti a lu largu! Nino. Nun
c’è bisognu ca mi lu dici tu chiddu chi àiu a fari! Unn’è lu cuteddu? Fil. ‘Nta lu casciuni di lu
cantaranu! Nino.
Trasemu dintra; mi vaiu ad armari, e poi cu chidd’amicu nni la
videmu ‘nta li facci (viano). SCENA 4.a Ter. Unn’è? Unn’è chidda chi mi dissi
strafalaria? Nof. (rimanendo sulla porta
pauroso) Veni cca! Trasi dintra! Limitamu! Cu’ fici fici! Ter. Cu’ fici fici? E tu cridi ca la cosa avi a finiri
accussi? Nof. E comu àvi a finiri? Ter. A dda curtigghiara ci àiu a
‘nzignari l’arucazioni. Nof. Ma chi vo’ fari? Ter. Senti chi ài a fari: ora tu ti
chiami a so’ maritu, ti lu porti a lu largu, e dda putiti raginnari! Nof. E pi ragiunari c’è bisognu di
irinninni a lu largu? Ter. Sicuru! Si v’aviti a fari qualchi
tirata! Nof. Tirata di chi? Ter. Di cuteddu! Nof. Armicorpeddecullati! Ma lassa iri mugghiruzza mia! Ter. Chi è? Lassa iri? Allura tu accussì la fai
rìspittari a to’ muggheri?
Camina dintra ca ora ti dicu chiddu chi ài a fari! Nof. Abbasta ca nun parramu di
cuteddu! Ter. (trascinandolo con sè) Camina! SCENA 5.a Nino. Tu
statti dintra ca iu ora mi chiamu a l’amicu, sacciu zoccu àiu a fari! Fil. Làssami stari cca! Nino.
Nonsignura! La fimmini
‘ntra sti cosi nun ci ànnu a tràsiri! Fil. Mi nni trasu! Vogghiu vidiri zoccu sa’
fari! (via in casa). Nino. (si
avvicina alla casa di Nofrio, camminando con aria da spavaldo) Ameco! Nof. (di dentro) Ah? Nino. Col
prommisso, vi vorria priare! Nof. (c.s.) A mia? Nino.
Gnursi! Nof. (a.s.) Va beni, va beni! Natra vota! Nino.
No! Ora vi divo
parrari. Ter. (di dentro) Nofriu, nesci: va vidi zoccu voli ddu beddu
spicchiu! SCENA 6.a Nof. (timido) Chi vuliti? Nino.
Dunca, vostra muggheri li fatti soi nun si li voli fari, e metti in
cruci a me mugghieri! Nof. (bonariamente) Sapiti, fimmini sunnu! Nino. E
già! Chistu ci dissi a me’
muggheri; ci dissi: Vuatri
fimmini nun passati quannu ci sunnu l’omini! Nof. (con leggera tremarella) Chi è? Nino.
S’avi a fari lu discursu ‘nta di nuatri nomini. Nof. Quali discursu? Nino. Iu
sugnu a cavaddu mittitivi a cavaddu puru vui, e caminati cu’ mia! Nof. Ma chi avemu a ghiri luntanu? Nino.
No! Cca vicinu! Nof. E allura c’è bisognu di mittirinni
a cavaddu? Nino.
Bah! Senza
babbiari! Iu v’aspettu cca
vicinu a lu chianu di l’Ammaciuni, e dda putemu fari lu discurseddu. Nof. E picchì stu discurseddu nun nni
lu facemu cca? Nino. Cca
nun po’ èssiri, picchì a li vuci putissinu curriri li carrubbineri! Nof. E iddu nuatri chi avemu a parrari
forti? Nino. Vi
staiu priannu ca aviti a veniri a lu chianu di l’Ammaciuni. Vi dugnu lu tempu di mittìrivi a
cavaddu! Nun mi faciti
aspittari assai picchì iu sugnu cavuru di ciriveddu! (via). Nof. (afflitto) Ora viditi chi bella jurnata chi
m’agghiurnò! SCENA 7.a Ter. Nofriu, ci parrasti? Ti facisti a sèntiri? Vi lu dàstivu lu puntamentu? Nof. Si! Nni avemu a vidiri a lu chianu di
l’Ammaciuni, ma iu nun ci pozzu iri! Ter. E picchì? Nof. E unni lu trovu a st’ura un
cavaddu? Ter. Picchì? Nof. Mi dissi: Mittitivi a cavaddu ca
v’aspettu! Ter. Ah! Chiddu ‘ntinneva diri: Mittitivi lu cuteddu ‘ntra la
sacchetta! Nof. Quannu mai! Chiddu parrau propriu di
cavaddu! Ter. Di cuteddu! Nof. Di cavaddu! Del restu chi ci duvissi iri a
fari cu’ lu cuteddu? Ter. Pi ragiunari! Nof. E cu’ lu cuteddu si ragiuna? Ter. Sicuru! Prima a’accumencia a ragiunari cu’
la vucca, poi siddu li ragiuni nun sunnu boni, si metti manu a lu cuteddu,
e si cueta lu munnu! Nof. Si? Ter. Ora ti va’ pigghiu l’armatura e ci
vai! E ti fai ‘na tirata di
chiddi comu voli la liggi!
(via). Nof. Ma c’è paura ca me’ muggheri è
parenti di Minicu Chiantedda?
Ora viditi chi mi successi sta jurnata! Ma comu? Unu mancu l’affari soi si po’
fari? SCENA 8.a Ter. (con una forchetta) Lu cuteddu nun l’àiu pututu
truvari: teccà, t’addifenni
cu’ sta furchetta. Nof. E comu pozzu fari cu’ la
furchetta? Chiddu mi sfunna
la caccamella! Ter. Ma si lu cuteddu nun l’àiu pututu
truvari! Nof. Ma iu pi forza ci àiu a
ghiri? Ter. Chiddu t’aspetta! Nof. Ma chiddu aspetta ca iu ci vaiu a
cavaddu, tu mi ci manni cu’ la furchetta! Ter. Ancora cca si? Nof. Ora viditi chi m’àvi a
succediri! Quannu è ura di
manciari, furchetti nui ci nni sunnu sempri lordi, ed ora ca nun è ura di
manciari, c’è la furchetta pulita pi ghirimi a fari sfunnari la panza!
(via). Ter. (ridendo) Iu ci detti la furchetta picchì
cu’ lu cuteddu lu putevanu arristari! Chidd’àvutru sugnu sicura ca mancu
ci duna ‘na zicchittata!
Chiddu parra, parra, ma poi nun è capici di fari mali a ‘na
musca! E la muggheri puru
sarria bona, si nun fussi ‘nvidiusa!
Oh, cca è! SCENA 9.a Fil. Cca siti? Siti cuntenti ca aviti ruvinatu la
me’ famigghia? Ter. Vui siti la causa! Li nostri mariti a st’ura si
stannu tirannu e pi causa vostra!
Picchì vui aviti lu viziu di l’invidia! Siddu vui nun fussivu invidiusa,
iu vi vurria beni, e purrìamu macari addivintari cummari. Fil. Già, veru è! Ter. Pi vui manca! Fil. Iu sugnu pronta ad addivintari
vostra cummari. Ter. E puru iu! Intantu li nostri mariti cu’ sa’
siddu a st’ura annu finutu di tiràrisi. Fil. (spaventata) Matruzza mia! Ter. Chi fu? Fil. Vostru maritu po’ fari mali a me’
maritu, ma me’ maritu nun ci po’ fari nenti a vostru maritu! Ter. E picchì? Fil. Picchì, siccomu iddu tinìa lu
cuteddu ammugghiatu ‘ntra un pez zu di carta, iu, scantànnumi ca ci putìa
dari qualchi cutiddata a vostru maritu, ci livavi lu cuteddu, e ‘ntra la
carta ci ammugghiavi ‘na cucchiara! Ter. Pi daveru? E allura nun vi scantati, picchì
me’ maritu àvi ‘na furchetta! Fil. Oh, menu mali allura! Ter. Oh, sta vinennu me’ maritu. SCENA 10.a Fil. Don Nofriu, unn’è me’ maritu? Nof. Nun nni sacciu nenti! Ter. Ma tu ci isti a lu
puntamentu? Nof. Ci ivi, ma iddu nun si fici
truvari! SCENA 11.a Nino. Iu
vurria sapiri siddu àiu ad aspittari ancora! Picchì nun aviti vinutu? Nof. Iu vinni; vui nun vi facistivu
truvari! Nino. Ma
si iu àiu statu sempri dda! Nof. Ed iu nun vi vitti! Nino.
Allura iamunninni! Nof. Pi ora nun pozzu veniri. Nino. E
picchì? Nof. Picchì àiu chi fari! Nino.
Picchì vi scantati! Nof. ‘Nzirtàstivu! Ter. (fingendo di volere riaccendere la
lite) – No, ca me’ maritu nun s’ha scantatu mai di nuddu! Nofriu, facci vidiri cu’ si. Nof. E chi àiu a fari? Ter. Tira l’armatura! Nof. (mal volentieri) E tiramu! (mette fuori la forchetta dalla
saccoccia). Nino. (si
fa indietro, tira il cucchiaio avvolto nella carta) Tira, carogna! Nof. (vedendo il cucchiaio) Ma c’avemu a cunzari la
tàvula? Nino. E
com’è ca lu cuteddu addivintau cucchiara? Ter. Fu vostra muggheri chi vi lu
canciau pi nun vi fari cumprumettiri. Aviti a sapiri ca iu e vostra
muggheri ficimu paci, e avemu addivintari cummari! Nof. (contento) Pi daveru? E nun nni avemu a tirari
cchiù? Nino. Eh,
ora ca li nostri muggheri ficinu paci, avemu a fari paci puru nuatri! Nof. Allura pozzu scinniri di lu
cavaddu? Nino.
Scinniti! SCENA 12.a Don. Teresina, lo vedi che sono
ritornato? Fil. Cca è dda cosa lària ca fu causa
di la nostra sciarra! Nof. Don Totò? E picchì? Fil. Picchì iddu sta matina ci dissi a
vostra muggheri: Anima
mia! Nof. E vassia s’arrisicau di diri anima
mia a me’ muggheri?
(rifacendo le stesse mosse che Nino fece con lui) Vassa si metti a cavaddu! Don. Per andare dove? Nof. Nni avemu a ghiri a fari ‘na
tirata di cucchiara e furchetta! Don. Ma io… Nof. Ci staiu dicennu: vassa si metti a cavaddu. Don. Io non ho cavallo! Nof. Vassa s’affitta un
sciccareddu! Don. Ma vedete che io sono
vecchio! Nof. E allura vassa si metti
‘ncarrozza! Ter. Nofriu, làssalu iri: nun lu vidi ca sta trimannu
tuttu? Nof. (facendo lo smargiasso) – Sangu di
la Vicarìa! Nun mi tiniti
nuddu! Tira, carogna! (tira la forchetta) Don. (fugge atterrito) Anime sante del Purgatorio! Nof. (ride) Chiddu àvi lu stissu curaggiu chi
àiu iu! Ed ora basta! Signuri gintilissimi La farsa è già finuta; Si cala lu sipariu E Nofriu vi saluta! FINE Return to Nofrio... |